நல்லக்கண்ணு இன்னும் வீடு ஒப்படைக்கவில்லை

மூத்த அரசியல்வாதி நல்லக்கண்ணு மற்றும் கக்கன் குடும்பத்தினருக்கு அவர்கள் விரும்பும் இடத்தில் வாடகை இல்லாத வீடு ஒதுக்கப்படும் என்று துணை முதலமைச்சர் ஓ.பன்னீர்செல்வம் தெரிவித்துள்ளார்.

இந்த நிலையில் சட்டப்பேரவையில் நேரமில்லா நேரத்தில் தீர்மானம் கொண்டு வந்து பேசிய சட்டமன்ற உறுப்பினர் தமிமுன் அன்சாரி, மூத்த அரசியல்வாதி நல்லகண்ணுவுக்கு புது வீடு ஒதுக்கப்பட்டுவிட்டதா? என கேள்வி எழுப்பினார். அதற்கு பதிலளித்து பேசிய தமிழக துணைமுதல்வர் ஓ.பன்னீர்செல்வம், முன்னாள் அமைச்சர் கக்கனுக்கு ஒதுக்கப்பட்ட வீடு அவரது மறைவுக்கு பிறகு மனைவிக்கும், மனைவிக்கு பிறகு மகன்களுக்கும் ஒதுக்கப்பட்டதாக தெரிவித்தார்.

நல்லகண்ணு அவர் வசித்த வீட்டை தாமாக முன்வந்து காலி செய்தபோதும், வீட்டுவசதி வாரியத்திடம் வீடு இன்னமும் ஒப்படைக்கவில்லை என்று துணை முதலமைச்சர் ஓ.பன்னீர்செல்வம் விளக்கம் அளித்தார்.