வெளியிடப்பட்ட நேரம்: 27-May-2019 , 09:01 PM

கடைசி தொடர்பு: 27-May-2019 , 09:01 PM

வீரு தேவ்கான் காலமானார்

veeru devgan

பிரபல பாலிவுட் நடிகர் அஜய் தேவ்கனின் தந்தை வீரு தேவ்கன் இன்று காலமானார். 1941-ல் பஞ்சாபில் பிறந்த வீரு தேவ்கன் 80-க்கும் மேற்பட்ட இந்திப் படங்களில் ஸ்டண்ட் மாஸ்டராக பணியாற்றியுள்ளார். 1999-ம் ஆண்டு ஹிந்துஸ்தான் கி கசம் என்ற படத்தை இயக்கி தயாரித்தார். இந்தப் படத்தில் அஜய் தேவ்கன், அமிதாப்பச்சன், மனீஷா கொய்ராலா, சுஷ்மிதா சென் போன்றோர் நடித்திருந்தனர். மேலும் ஒரு சில சில படங்களில் வீரு தேவ்கன் நடித்தும் இருக்கிறார்.


உடல்நலக்குறைவு காரணமாக மும்பையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்த வீரு தேவ்கன் சிகிச்சை பலனின்றி இன்று காலமானார். அவரது மறைவுக்கு பாலிவுட் பிரபலங்கள் பலரும் இரங்கல் தெரிவித்து வருகிறார்கள்.


வீரு தேவ்கனுக்கு வீணா தேவ்கன் என்ற மனைவியும், அஜய் தேவ்கன், அனில் தேவ்கன் என்ற இரண்டு மகன்களும், நீலம், கவிதா என இரண்டு மகள்களும் உள்ளனர்.

Related Articles