வெளியிடப்பட்ட நேரம்: 14-May-2019 , 04:54 AM

கடைசி தொடர்பு: 14-May-2019 , 04:54 AM

விஜய்64 படத்தின் டைரக்டர் யார்?

vijay

சர்கார் படத்தை தொடர்ந்து நடிகர் விஜய், அட்லி இயக்கும் படத்தில் நடித்து வருகிறார். விஜய் உடன் நயன்தாரா, விவேக், யோகிபாபு, கதிர், ஜாக்கி ஷெரப் உள்ளிட்ட பலர் நடிக்க, ரஹ்மான் இசையமைக்க, ஏஜிஎஸ்., நிறுவனம் தயாரிக்கிறது.

கால்பந்தாட்ட கதையில் உருவாகி வரும் இப்படத்தில் விஜய் கால்பந்தாட்ட வீரராகவும், பயிற்சியாளராகவும் இரண்டு விதமான மாறுப்பட்ட கதாபாத்திரத்தில் நடிக்கிறார். இன்னும் பெயரிடப்பட்டாத இப்படத்தை தற்காலிகமாக விஜய் 63 என்றே அழைத்து வருகின்றனர்.

இப்படம் தீபாவளிக்கு வெளியாக உள்ள நிலையில் விஜய்யின் 64வது படம் குறித்த செய்தி வெளியாக தொடங்கி உள்ளது. இப்படத்தை இயக்குநர் மோகன் ராஜா இயக்கப்போவதாக தகவல் வெளியான நிலையில், இப்போது இளம் இயக்குநரான லோகேஷ் கனகராஜின் பெயரும் அடிபடுகிறது.

மாநாகரம் எனும் படத்தை இயக்கிய இவர், முதல்படத்திலேயே அனைவரையும் ஈர்க்க வைத்தார். இவர் சொன்ன கதை விஜய்க்கு பிடித்து போய், தனது அடுத்தப்படத்தை இவருக்கே கொடுத்துவிட்டதாக சொல்கிறார்கள். ஆகையால் விஜய்யின் 64வது படம் லோகேஷ் இயக்கலாம் என கூறப்படுகிறது. இருந்தாலும் அதிகாரப்பூர்வ தகவல் வெளியாகவில்லை.

மணிரத்தினம் இயக்கும் பொன்னியின் செல்வன் கதையில் மகேஷ் பாபு, விக்ரம் உடன் தளபதி விஜய் நடிப்பதாகவும் ஒரு பேச்சு உண்டு. இது உண்மையானால் வந்தியதேவன் கேரக்டரில் விஜய் நடிப்பார் எனவும் நம்பப்படுகிறது.

இதை தவிர்த்து துப்பாக்கி-2 படமும் வரிசையில் நிற்கிறது என்பதும் குறிப்பிடத்தக்கது.

Related Articles